«JUBANOVTANÝ MÁSELESI BOIYNSHA ǴYLYMI ZERTTEÝLER» ATTY ONLAIN-VEBINAR

      Q.Jubanov atyndaǵy Aqtóbe óńirlik memlekettik ýnıversıteti, Fılologıya fakýlteti, Teorıyalyq jáne qoldanbaly til bilimi kafedrasynyń uıymdastyrýymen   Q.Q.Jubanovtyń 120 jyldyǵyna, E.Q.Jubanovtyń 90 jyldyǵyna oraı  «Jubanovtaný máselesi boıynsha ǵylymı zertteýler» atty onlaın-semınar ótkizildi. Semınardyń negizgi baǵyttary:Jubanovtar murasy – ulttyq jańǵyrýdyń rýhanı qaınar kózi, E.Jubanovtyń jetekshiligimen qorǵaǵan ǵalymdar platformasy ayasynda boldy.

Semınarǵa Qazaq Ulttyq  qyzdar pedagogıka ýnıversıteti (Almaty qalasy), Kastamoný ýnıversıteti (Túrkıya memleketi), Dúnıejúzilik Bank  (QR  Bilim jáne ǵylym mınıstrligi), H.Dosmuhamedov atyndaǵy  Atyraý memlekettik ýnıversıteti (Atyraý qalasy) qatysty.

Konferencıya barysynda, Jubanovtanýshy N.Á.Sádýaqas, folklor tiliniń bastaýynda turǵan, E.Q.Jubanovtyń qazaq til bilimine qosqan úlesi týraly aıta kelip, Jubanovtanýshy E.Q.Jubanovtyń tek Jubanovtar murasy emes, ádebı tilge de qosqan úlesin  kórsetip bayandady. QR BjǴM «Orta bilim berýdi jańǵyrtý» jobasynyń úılestirýshisi S.Jaıyq konferencıyany erkin formatta júrgizýdi usynyp, stýdentterden suraq alyp, ashyq alań qurdy. Óz sózinde  ǵalym, jetekshisi E.Q.Jubanov týraly jarqyn estelikterimen bólisti. Túrkıyanyń Kastomoný ýnıversıtetinen kelgen PhD doktory Samet Azap  bayandamasynda uıymdastyrýshylarǵa  Q.Jubanov muralary men zertteýlerin aýdarý týraly usynysyn aıtty. Usynys óz kezeginde basshylyq tarapynan talqyǵa salynyp, aldaǵy ýaqytta eki el arasynda osy máselege qatysty baılanys jalǵasatyndyǵy aıtyldy.

Onlaın-vebınarda f.ǵ.k., docent  N.Á.Sadýaqas «Jubanovtaný máseleleriniń zerttelýi», Kastamoný ýnıversıteti PhD doktory Samet Azap «Jubanov zertteýleri», p.ǵ.k., docent M.Q.Jazyqova «Q.Jubanovtyń ádistemelik murasy», f.ǵ.k., docent, QR BjǴM «Orta bilim berýdi jańǵyrtý» jobasynyń úılestirýshisi S.Jaıyq «Q.Jubanov zertteýleriniń antropologıyalyq paradıgmasy» (Astana qalasy), f.ǵ.d., professor K.Q. Sadırova «Ýaqyttyń tildik kórinisiniń Q.Jubanov zertteýinde zerdelenýi» atty taqyryptar ayasynda bayandamalar oqyldy jáne ǵylymı negizde qyzý talqylaý boldy.

 
 
 Fılologıya fakýltetiniń 3 kýrs stýdenti
Ámirǵalı Janar
 

Related posts