KONSÝLDYQ ÓKILDERIMEN KEZDESÝDE TÚRIK-QAZAQ JOO ARASYNDAǴY YNTYMAQTASTYQ SÓZ BOLDY

0
171

Túrkıyalyq seriktes joǵary oqý orny Stambýl ýnıversıtetiniń Tehnokentinde Qazaqstannyń Respýblıkasynyń Stambýldaǵy Konsýldyǵy ókilderimen kezdesý ótti. Kezdesýge Qazaqstan Respýblıkasynyń Stambýldaǵy Bas Konsýly Erkebulan Sápıev pen Konsýldyq ókili Serjan Sársenbaev qatysty.

Stambýl ýnıversıtetiniń ǵalymdary fılologıya ǵylymdarynyń doktory, professor Ismet Bıner jáne PhD doktor, kompyuterlik ınjenerıya fakýltetiniń professor Atakan Kýrt Jubanov ýnıversıtetiniń «Qazirgi túrki tilderiniń tildik úderisin zertteý» zerthanasymen birlesken jobalardyń tanystyrylymyn kórsetti.

Atalmyś jobalar latyn álipbıine kóśýdegi qarymdy qadamdardyń bastamasy retinde qazaq tilin kırıll álipbıinen latyn álipbıine aýystyrýdy meılinśe ońtaıly, júıeli júzege asyrý jáne veb-saıtqa negizdelgen sózdik jobasy, tilaśar jobasy, veb-saıtqa negizdelgen qazaqśa-túrikśe kompyuterlik aýdarma júıesi, qazaq tilindegi sózderdiń semantıkalyq toptary jobasy (Kazakh Wordnet Projest) jáne qazaq tilindegi sózderdiń durys jazylýyn avtomatty túrde túzetý (Kazakh Spell cheking and Correction), qazaqśa sózderdi grammatıkalyq tekserý (Kazakh Syntax cheker) sıyaqty birqatar qazaq tiline arnalǵan kompyuterlik-lıngvıstıkalyq zertteýlerge negizdelgen.

Kezdesý sońynda Bas Konsýl Erkebulan Sápıev tanystyrylǵan halyqaralyq ınnovaıyalyq jobalardyń mańyzdylyǵyna erekśe mán berip,  Qazaqstan men Túrkıya arasyndaǵy yntymaqtastyq baılanystyń jyldan jylǵa nyǵaıyp kele jatqandyǵyn atap ótti. Osy śaranyń uıytqysy bolyp otyrǵan Jubanov ýnıversıtetiniń basśylyǵyna aıryqśa alǵysyn bildirdi. Sonymen qatar, jobaǵa qatysýśy qazaqstandyq-túrkıyalyq ǵalymdardy atalǵan máselelerdi egjeı-tegjeıli talqylaý maqsatynda Stambýldaǵy Qazaqstan Respýblıkasynyń Bas Konsýldyǵyna arnaıy śaqyrdy.

LEAVE A REPLY

Please enter your comment!
Please enter your name here