AQTÓBEDE JAŃA ÁLIPBIDI TÚSINDIRÝ JUMYSTARY BASTALDY

0
79

Jahandaný kóśine ilesip, álem elderimen etene qarym-qatynas jasaýda latyn álipbıiniń atqarar róli zor.

Qudaıbergen Jubanov atyndaǵy Aqtóbe óńirlik memlekettik ýnıversıtetiniń oqytýśysy Kúlzat Sadyrova: «Jańa álipbıge kóśý asa qıyndyq týǵyzbaıdy», – deıdi. Tek oǵan kóśý kezinde tildiń emle erejesi durystalyp, tabıǵı zańdylyqtary saqtalýy tıis. Búginde oqý ordasynyń fılolog-oqytýśylary stýdentterge latyn álipbıi týraly jan-jaqty aqpar berip, túsindirme jumystaryn júrgizip jatyr.

Kúlzat Sadyrova, Q.Jubanov atyndaǵy AMÓÝ fılologıya fakýltetiniń dekany:

— Ary qaraı qazaqtyń dybystyq áýezine, býyn úndestigine, dybystardyń ózara yqpaldasýyn tańbalaýyna kádege jaraıtyndaı qylyp emle erejesin túzetý máselesi tur. Osyǵan baılanysty jumys toby qurylyp jatyr. Árbir fonetıka salasymen aınalysatyn mamandardyń kóp tartylýy osy emle erejeleriniń durys qabyldanýyna múmkindik beredi ǵoı dep oılaımyz. Jańa álipbıge kóśý táýelsizdiktiń taǵy bir márte bekitilýine, tuǵyrynyń berik bolýyna jasalǵan qadam dep esepteımiz. Barlyq BAQ quraldarynda ne úśin kóśetinimiz túgeldeı túsindirildi. Eldiń bári qoldap otyr.

 

LEAVE A REPLY

Please enter your comment!
Please enter your name here