JAŃA FORMATTAǴY OQÝLYQ ELDIŃ RÝHANI QAZYNASYN ARTTYRADY

          2019 jyldyń aqpan aıynda Q.Jubanov atyndaǵy Aqtóbe óńirlik memlekettik ýnıversıteti men Túrkıya Respýblıkasy Kastomoný ýnıversıteti arasyndaǵy strategıyalyq seriktestiktiń tabysty nátıjesinde “Kazak dili grammeri” oqýlyǵy basylyp shyqqan bolatyn. Atalǵan ujymdyq eńbekti professorlar, fılologıya ǵylymdarynyń doktorlary B.Erdembekov, G.SHoqym, I.Bıner usyndy. Usynylǵan oqýlyq joǵary oqý oryndaryndaǵy sheteldik, onyń ishinde túrkıyalyq stýdentterge, magıstranttarǵa, oqytýshylarǵa qazaq tilin úıretýge arnalǵan. Sondaı-aq bul eńbek qazaq tilin óz betinshe úırenem deýshilerge kómekshi qural bolady.

         Oqýlyq elbasy N.Á.Nazarbaevtyń “Bolashaqqa baǵdar: rýhanı jańǵyrý” baǵdarlamasy ayasynda júzege asyrylyp otyr. Oqýlyqtyń ereksheligi qazaq tilindegi materıaldar latyn qarpinde jazylyp engizilgen.

          Osy jóninde ýnıversıtetimizdiń “Teorıyalyq jáne qoldanbaly til bilimi” kafedrasynyń aǵa oqytýshysy, fılologıya ǵylymdarynyń kandıdaty (PhD), qaýymdastyrylǵan professor Baǵıla Muratbek: “Qazaq-túrik ǵalymdary birlesip daıyndaǵan “Kazak dili grammeri” – tuńǵysh latyn álipbıinde daıyndalǵan oqýlyq ári qaraı “Qazaq túrikshesin” oqytýdyń negizi dep tanımyz. Erekshe aıta ketetin jaıt, “Qazaq tili dáristerine” túrik stýdentteriniń beıimdele bastaýy qýantarlyq jaǵdaı. Is-tájirıbe barysynda ótkizilgen tájirıbelik dáristerim oǵan tolyq dálel bola alady jáne jańa formattaǵy oqýlyq eldiń rýhanı qazynasyn arttyrady” – dep pikir bildirdi. Esterińizge sala ketsek, Kastomoný ýnıversıtetinde “Túrkıya túrikshesi”, “Qyrǵyz túrikshesi”, “Ózbek túrikshesi” pánderimen qatar aqpan aıynan bastap “Qazaq túrikshesi” páni de oqý baǵdarlamasyna engizilgen bolatyn. Pándi oqý barysynda negizgi oqýlyq retinde atalǵan eńbek qoldanylyp otyr. Bilim men ǵylym salasynda Túrki dúnıesine jasalǵan bul qadam, odan keıingi ǵylymı zertteý jumystary, aýdarma máselesi, yntymaqtastyq máseleleriniń nyǵaıyp damýyna septigin tıgizeri sózsiz.
Osy oqýlyqtyń onlaın nusqasyn qazaqtili.com saıtynan taba alasyzdar. 

 

Fılologıya fakýltetiniń 3 kýrs stýdenti
Ámirǵalı Janar

Related posts