TÚRKIYA ǴALYMY REKTODYŃ QABYLDAÝYNDA BOLDY

 

Búgin Q.Jubanov atyndaǵy Aqtóbe óńirlik memlekettik ýnıversıtetiniń rektory Túrkıya Respýblıkasynyń Stambul ýnıversıtetiniń kompyuterlik ınjenerıya fakýltetiniń professory Atakan Kýrtty qabyldady.

Qabyldaýda ýnıversıtettiń birinshi prorektory Q.SHúńkeev, «Cıfrlyq tehnologıyalar» ortalyǵynyń dırektory T.T.Júnisqalıev, Konfýcıı ınstıtýtynyń Qazaqstan tarapynan dırektory G.T.SHoqym, rektordyń kómekshisi B.Isbek, «Informatıka jáne aqparattyq tehnologıyalar» kafedrasynyń meńgerýshisi S.M.Sarsımbaeva qatysty.

Qabyldaý barysynda sóz alǵan ýnıversıtet rektory, professor Erdembekov Baýyrjan Amankeldiuly qonaqty jyly qarsy alyp, Aqtóbe qalasy jáne jalpy Batys óńiri týraly tanystyryp ótti.

«Elbasy Nursultan Nazarbaevtyń «Bolashaqqa baǵdar: rýhanı jańǵyrý» maqalasynda aıtyp ótkendeı «Cıfrly Qazaqstanǵa» kóshý úshin IT tehnologıyany damytý qajet. Sol sebepti Túrkıya Respýblıkasynyń ýnıversıtetterimen yntymaqtastyqta jumys jasaý úshin kezdesip otyrmyz. Túrikter bizdiń baýyrymyz, til jaǵynan da, dástúr jaǵynan da jaqynbyz», — dedi rektor.

Professor Atakan Kýrt Aqtóbe jerine alǵash ret taban tiregenin aıta otyryp, Stambul ýnıversıtetinde magıstranttar men stýdentterge arnalǵan qazaqsha NLP jobalary týraly, latyn álipbıine kóshýdegi nazar aýdarylatyn máseleler, tilderdi úırenýde morfologıyalyq, sıntaksıstik, semantıkalyq taldaýlarǵa nazar aýdarylatyny jaıly, kırıllıcadan latyn álipbıine kóshý baǵyttary haqynda da sóz qozǵady.

Sondaı-aq, sheteldik ǵalym is-saparynda Jubanov ýnıversıtetindegi «Qazirgi túrki tilderiniń tildik úderisin zertteý» zerthanasymen tanysyp, birlesip júzege asyrylatyn jobanyń qadamdaryn aıqyndaýdy da kózdeıtinin aıtty.

Túrik ǵalymy ýnıversıtetimizde tildik baǵdarlamalardy júzege asyrylýda qomaqty úles qosýǵa nıettenip otyr.

Related posts