TÚRKIYADAǴY QAZAQSTANDYQ STÝDENTTERDIŃ 1-SHI QURYLTAIY

5-7 jeltoqsan kúnderi aralyǵynda Sakarıya shaharynda joǵarǵy oqý oryndarynda bilim alýshy stýdentter bas qosty.
 Sakarıya qazaqstandyq stýdentter qaýymdastyǵy men Qazaqstannyń Túrkıyadaǵy elshiligi uıytqysymen ótken ataýly shara, memlekettik «Rýhanı jańǵyrý» baǵdarlamasy, «Jastar jyly» jáne táýelsizdik kúnine oraılastyryldy. Oǵan Qazaqstannyń Túrkıyadaǵy Elshisi Abzal Saparbekuly, Sakarıya gýbernatory Ahmet Hamdı Navır, TR qorshaǵan orta vıce- mınıstri Mýjahıt Demırtash, Sakarıya oblysy ákimi Ahmet Hamdı Naıır, Sakarıya meri Ekrem YUje, SHeteldik túrik jáne týystas halyqtar qaýymdastyǵy Vıce – prezıdenti Saıd YUsýf, Sakarıya ýnıversıtetiniń rektory Fatıh Savashan, Sakarya Qazaqstandyq Stýdentteri qaýymdastyǵynyń tóraǵasy Erasyl Beksultanov, jetekshi Lazıza Nurpeıis, túriktiń bedeldi sayasatkerleri, qoǵamdyq qaıratkerler men eldiń 32 qalasynda oqıtyn 200-den astam jastarymyz qatysty. «Túrkıyadaǵy qazaqstandyq stýdentterdiń 1-shi quryltaıy» ataýymen ótken alǵashqy bas qosýdyń maqsaty, jastar arasyndaǵy ózara selbesýdi arttyryp, elimizdiń erteńine eseli úles qosý. Memlekettik baǵdarlamalardy talqylap, shet eldiń úzdik tájirıbelerin týǵan jerde qoldaný.
Úsh kún boıy jalǵasqan quryltaıda, elimizdiń «SHabyt» folklorly-etnografıyalyq orkestri men Qazaqstannyń túkpir-túkpirinen jınalǵan jas ónerpazdar sahnalady. Sondaı-aq Qazaqstannyń Túrkıyadaǵy Elshisi Abzal Saparbekulynyń qatysýymen arnaıy brıfıng uıymdastyryldy. Elshi quryltaıǵa qatysýshylardyń nazaryn elimizde jastardyń óz qabiletterin tanytýy úshin berilgen biregeı múmkindikterge, zaman sharttaryna jáne qarqyndy ózgerip jatqan álem talaptaryna saı keletin sapaly bilim alýdyń mańyzdylyǵyna aýdardy. 2020 jyly qazaq halqynyń uly aqyny, aǵartýshysy Abaı Qunanbaıulynyń 175 jyldyq mereıtoıyn Anadoly elinde jastarymyzben joǵarǵy deńgeıde merekeleý qajettigin atap ótti.
Sonymen qatar túriktiń beldi oqý ordalarynda bilim alýshy jastar, kókeılerinde júrgen suraqtarǵa jaýap alyp, qajetti taqyryptar jóninde tolyq málimetpen sýsyndady.
Budan bólek, jergilikti ákimshilik basshylarymen kezdesip, jastarǵa qajetti usynystaryn jetkizdi. SHet eldik túrikter jáne týystas halyqtar basqarmasy ókilinen «Túrkıya stıpendıyasy» baǵdarlamasyna qatysty mańyzdy suraqtar qoıyldy.
Quryltaı qorytyndysyna sáıkes, kelesi basqosý Eskıshehır qalasynda ótetin boldy. Sondaı-aq Túrkıyadaǵy belsendi jastar Ulystyń Uly kúnin Ystanbulda toılaýǵa ýaǵdalasty.
Aıta keterligi, Sakarıya Sý jáne kanalızacıya mekemesi, 3 úzdik stýdentke shákirtaqy taǵaıyndady.
SHara sońynda quryltaıǵa qatysýshy jastar qalanyń tarıhı jerlerimen tanysty.

Related posts