TÚRKIYALYQ ǴALYM ORHON SÓILEMEZ TARIHSHY-STÝDENTTERMEN KEZDESTI

Q.Jubanov atyndaǵy Aqtóbe óńirlik memlekettik ýnıversıteti «Rýhanı jańǵyrý» Aqtóbe oblystyq Jobalyq keńsesimen birgelikte tarıh fakýltetinde akademıyalyq utqyrlyq baǵdarlamasy boıynsha fılologıya mamandyqtary stýdentterine túrkologıya máseleleri boıynsha dáris oqyp júrgen Túrkıya memleketi Kastamoný ýnıversıtetiniń professory Orhon beı Sóılemezben stýdentterdi kezdestirý uıymdastyrdy.

Túrkıyalyq ǵalymnyń kóp jyldary Qazaqstanda ǵylymı zertteý jumystaryn júrgizip, qazaq halqynyń ulttyq biregeıligi taqyrybynda dıssertacıya qorǵaǵan bolatyn. Túbi bir túrki áleminiń ótkeni men búgini, ult zıyalylarynyń HH ǵasyrdaǵy ult birligi týraly oılary men qazirgi ulttyq sana men ulttyq salt-dástúrler, búgingi qoǵam máseleleri týraly qyzyqty oı-pikirler ortaǵa salyndy. Elbasynyń «Rýhanı jańǵyrý» baǵdarlamasynyń búkil túrki álemi úshin mańyzy atap kórsetildi.

Stýdentter ǵalymnan búgingi qazaq qoǵamynyń qandaı máseleleri qyzyqtyratynyn surap, latyn álipbııine kózqarasyn bildi. SHarada fılosofıya ǵylymdarynyń kandıdaty, docent Ú.Sarsembın qazaq fılosofıyasynyń tárbıelik jaqtaryna toqtaldy. «Rýhanı jańǵyrý» Jobalyq keńsesiniń úılestirýshisi, tarıh ǵylymdarynyń kandıdaty D.Abenov ulttyq biregeılikti saqtaýdaǵy urpaq tárbıesine, ásirese stýdent-jastarǵa taǵylymyna baılanysty utymdy pikirlerin ortaǵa saldy.

Sóz sońynda fakýltet dekany, docent G.Kýpenova qonaqqa rahmetin jetkizdi.

D.Abenov
«Rýhanı jańǵyrý» jobalyq keńse úılestirýshisi

Related posts